रुकुम पश्चिमको एक सामुदायिक वनमा लागेको डढेलोका कारण करिब चार सय बोट विरुवामा क्षती पुगेको छ । 

मुसिकोट नगरपालिका वडा नम्वर -१ रावलबारास्थित बारेगौरा सामुदायिक वन क्षेत्रमा आगलागी हुँदा चार सय बोट विरुवामा क्षती भएको डिभिजन वन कार्यालय रुकुम पश्चिमले जानकारी दिएको छ । 

डिभिजन वन कार्यालयका प्रमुख शेर बहादुर परियारका अनुसार सामुदायिक वनमा आगलागी हुँदा करिब १५ हेक्टर क्षेत्रफमा रहेका विभिन्न प्रजातीका स साना बोटहरुमा क्षती भएको हो । सल्लो, पैयु, चुत्रा लगायतका प्रजातिका साना बोटहरुमा क्षती पुगेको डिभिजनल प्रमुख परियारले जानकारी दिनुभयो ।  

शनिबार दिउँसो उक्त वनमा आगलागी भएको थियो । आगलागीको सूचना लगत्तै डिभिजन वन कार्यालय, नेपाल प्रहरी, मुसिकोट नगर प्रहरी, वन उपभोक्ता समुह र स्थानीयवासीको टोली पुगेर वन डढेलो नियन्त्रणमा लिईएको थियो ।

करिब १ घन्टामा आगलागी नियन्त्रणमा लिइएको थियो । आगलागीको कारण भने खुल्न सकेको छैन ।