सोसल मिडिया
तिमी अन्तिममा बस्यौ त्यहि भएर कम सुन्ने बढि बोल्ने भयौ न जनताका आवाज सुन्यौ न हाम्रा गुनासा केवल एकोहोरो पस्किरह्यौ बेथितिका तमासा ।
हामी अगाडि बस्यौं कम बोल्ने बढि सुन्ने बानी बस्यो सुनिएकै छ तिम्रा कचकच, जनजनका आवाज नपुगेर अझै कति गर्छौ अनावश्यक दवाव ।
पदले हैन मान्छे कर्मले ठूलो हुन्छ अस्थायी अहंकारले कति दिन चुलो बल्छ ? हामीलाई यहि स्थायी सेवा प्यारो छ केवल तिम्रै व्यवहार तगारो छ ।
हामी विना एकदिन टिकेर देखाउ छलकपट कतिदिन बिक्छ बिकाउ यस्तै पाराले बन्दैन मेरो देश राम्रोलाई सम्मान गर्ने हुनुपर्यो परिवेश ।
हो हामीमा नि कमजोरी छ, दुराचार छ त्यसमा नि तिम्रै असक्षमताको आधार छ सबै मिलि पखालौं विकृतिका लेऊ काम गर्नेलाई गर्ने वातावरण बनाईदेऊ ।
