रुकुम पश्चिमको मुसिकोट नगरपालिका वडा नम्वर १३ ले जनयुद्ध दिवस, २०८० को अवसरमा सहिद परिवार र घाईते तथा अपाङगता भएका व्यक्तिहरुलाई सम्मान गरेको छ । वडा कार्यालयले वडा नम्वर १३ र १४ का १६ जनालाई सम्मान गरेको हो । 

वडा अध्यक्ष खल बहादुर खड्काले वडा कार्यालयमा एक औपचारिक कार्यक्रम आयोजना गरेर सहिद परिवार र घाईतेहरुलाई सम्मान गरिएको बताउनुभयो । उहाँका अनुसार दुई वटा वडाका ११ जना सहिद परिवार र पाँच जना घाईतेलाई सम्मान गरिएको हो । 

उहाँहरुलाई फूलमालाले सम्मान गर्नुका साथै न्यानो ब्लाङकेट उपलब्ध गराईएको छ । सम्मान पश्चात सहिद परिवार तथा घाईतेहरुले वडा सरकारलाई धन्यवाद ज्ञापन गरेका छन् । 

आज फागुन १ गते सहिद दिवसको अवसरमा जिल्लाका विभिन्न स्थानहरुमा विभिन्न कार्यक्रमहरु आयोजना गरिएको छ ।