सोसल मिडिया
काठमाडौं / एमाले निकट बिद्यार्थी संगठन अनेरास्ववियुले नकुन्नी धोबी र निर्मला कुर्मिको हत्यारालाई सरकारले संरक्षण गरेको आरोप लगाएको छ । अनेरास्ववियुकी अध्यक्ष सुनिता बरालले आज एक विज्ञप्ति प्रकाशित गर्दै उक्त आरोप लगाउनुभएको हो ।
अध्यक्ष बरालद्धारा हस्ताक्षरित बिज्ञप्तीमा गत साउन ५ गते बाँके जिल्ला जानकी गाँउपालिका वडा नं २ स्थित आफ्नै घरमा झुण्ड्याइएको अवस्थामा भेटिएकी नकुन्नी धोबी र नेपालगञ्ज उपमहानगरपालिका वडा नं १७ परमपुर निवासी निर्मला कुर्मीलाई आफ्नै घरबाट बेपत्ता बनाई हत्या गरिएको घटनामा निजहरुका आफन्तहरुले न्याय प्राप्तिका लागि जिल्ला प्रहरी कार्यालय, जिल्ला प्रशासन कार्यालय र अन्य निकायहरुमा किटानी जाहेरी लिएर जाँदा समेत जाहेरी बुझेर सत्य तथ्य पत्ता लगाई दोषीलाई कारबाही गर्ने कुरा त परै जाओस्, पिडितका आफन्तहरुलाई उल्टै धम्काउने काम भएको उल्लेख गरिएको छ ।
बरालले यस कार्यप्रति संगठनको गम्भीर ध्यानाकर्षण भएको समेत जनाउनुभएको छ ।
पीडीतलाई न्याय र अपराधीलाई कठोर भन्दा कठोर कारबाही हुनु पर्दछ भनि महिला अधिकार मञ्च बाँकेको अगुवाईमा केही दिन बाँके जिल्ला प्रशासन कार्यालय अगाडि धर्ना गरेपश्चात २०७८ भदौ १ गते देखि नेपालगञ्जबाट काठमाण्डौं सम्म पैदल यात्रा गरि माईतीघर मण्डलामा अधिकारकर्मी रुवी खान लगायतका अधिकारकर्मीहरु आमरण अनसनमा बसेको जनाउँनु हुदै बरालले अधिकारकर्मीहरुको माग र स्वास्थ्य प्रति यो सरकार असंम्वेदनशील भएको उल्लेख गर्नुभएको छ ।
उहाँले यो सरकार मुखदर्शक रहदै व्यापक धरपकडमा उत्रिएको समेत बताउनुभएको छ ।
अध्यक्ष बरालले यस्ता घटनाक्रमहरुले परमादेशी सरकार नै उक्त घटनामा पीडक रहेको तथ्य उजागर भएको उल्लेख गर्नुभएको छ । बिज्ञप्तीमा अधिकारकर्मीको मागको सम्बोधन, पीडितलाई तत्काल न्यायको माग समेत गरिएको छ ।
बिज्ञप्ती :
