रुकुम पश्चिम / जिल्लाको मुसिकोट नगरपालिकामा थप एक अर्ब चार करोड ८० लाख रकम प्राप्त हुने भएको छ ।

नगरपालिका भित्रका विभिन्न तीन योजना निर्माणका लागि यसै बर्ष संघीय सरकारबाट उक्त रकम प्राप्त हुने भएको मुसिकोट नगरपालिकाका सामाजिक विकास समितिका संयोजक शुसिल गौतमले जानकारी दिनुभयो ।

वडा नम्वर ५ का वडा अध्यक्ष समेत रहनु भएका गौतमले मध्यपहाडि- डिग्रे-मठ-राउखेत सडक कालोपत्रेको लागि एक अरब रकम प्राप्त हुने भएको बताउनुभयो । उक्त योजना भने बहुबर्षे रहेको छ ।

त्यसैगरी मुसिकोटमा बसपार्क निर्माणका लागि तीन करोड र टुडिखेल-पिपलनेटा सडक स्तरोन्नतीको लागि एक करोड ८० लाख रकम प्राप्त हुने भएको गौतमले बताउनुभयो ।

संघीय सरकारबाट यसै बर्षबाट कार्यान्वयन सुरु हुने गरी उक्त योजना र बजेटको श्रोत सुनिश्चित भएको उहाँले बताउनुभयो ।