सोसल मिडिया
रुकुम पश्चिमको मुसिकोट नगरपालिका वडा नम्वर १२ का एक पुरुष मृत अवस्थामा फेला परेका छन् ।
वडाको जुम्लाबाङ निवासी ५१ वर्षिय हस्तराम खड्का मुसिकोट नगरपालिका १२ र त्रिवेणी गाउँपालिका ७ को सिमाना नजिकै मृत अवस्थामा भेटिनुभएको हो ।
वडा अध्यक्ष धिरण सिर्पालीका अनुसार आफ्नै घरदेखि करिब दुई सय मिटर टाढाको दुरीमा उहाँ मृत अवस्थामा फेला पर्नुभएको हो ।
गएराती नै उहाँको मृत्यु भएको हुनसक्ने बताईएको छ । उहाँको टाउकोमा गहिरो चोट रहेको बताईएको छ । अहिले प्रहरी घटनास्थलमा पुगेर अनुसन्धान सुरु गरेको छ ।
आवश्यक कागजातपछि पोष्टमार्टमका लागि जिल्ला अस्पताल सल्ले ल्याईने प्रहरीले जनाएको छ । घटना शंकास्पद रहेको भन्दै आफन्तजनहरुले निश्पक्ष छानबिनको माग गरेका छन् ।
मृतक खड्काका दुई छोरा, दुई छोरी र श्रीमती हुनुहुन्छ । उहाँ गाउँमा ज्यालामजदुरी गर्दै आउनुभएका सामान्य परिवारका व्यक्ति हुनुहुन्छ ।
