सोसल मिडिया
सल्यान / मंगलबार मध्य राती सल्यानमा एक महिलाको हत्या भएको छ ।
जिल्लाको कुमाख गाउँपालिका वडा नम्वर ५ तिमिलेका ४७ बर्षिय कविराम खड्काले आफ्नै श्रीमती ४२ बर्षकी कलि खड्काको हत्या गरेको जिल्ला प्रहरी कार्यालय सल्यानले जनाएको छ ।
राति सवा ११ वजेको समयमा कविरामले मादक पदार्थ सेवन गरेर सुतिरहेकी श्रीमतिलाई धारिलो हतियार (बसुलो) प्रहार गरेका थिए । छोराछोरिसँगै सुतिरहेकी उनको घटनास्थलमै मृत्यु भएको प्रहरीले जनाएको छ ।
कविरामले हतियारले श्रीमतीको टाउको र घाँटिमा प्रहार गरी घाईते बनाएका थिए । अत्याधिक रक्तश्रावको कारण कलिको घटनास्थलमै मृत्यु गएको थियो ।
घरायसी विवादको कारण हत्या गरेको प्रारम्भिक अनुसन्धानबाट देखिएको र थप अनुसन्धान लागि जिल्ला प्रहरी कार्यालय र ईलाका प्रहरी कार्यालय थारमारेबाट प्रहरी टोली घटनास्थल पुगेको बताईएको छ ।
कविरामलाई प्रहरीले नियन्त्रणमा लिएको छ ।
