नेकपा निकट विद्यार्थी संगठन अखिल (समाजवादी) को केन्द्रिय समितिमा रुकुम पश्चिमबाट पाँच जना विद्यार्थी नेता निर्वाचित हुनुभएको छ । 

हालै काठमाडौमा सम्पन्न संगठनको २३ औँ राष्ट्रिय सम्मेलनबाट पाँच जना रुकुमेली विद्यार्थी नेता केन्द्रीय सदस्यमा निर्वाचित हुनुभएको हो । 

सम्मेलनबाट रुकुम पुर्व पश्चिम जिल्ला इन्चार्ज धनु सी, रुकुम डि वान जिल्ला अध्यक्ष राकेश सी, रुकुम डि टु जिल्ला अध्यक्ष धनराज सी, रुकुम डि वान सचीव रिया सी  र विद्यार्थी नेता प्रजित सी केन्द्रिय सदस्यमा निर्वाचित हुनुभएको हो ।   

संगठनका केन्द्रिय सदस्य धनु सीका अनुसार संगठनले अखिल (क्रान्तिकारी) बाट नाम परिवर्तन गरेर अखिल (समाजवादी) राख्ने निर्णय गरेको हो । 

फाल्गुन ६ गते उद्घाटन भएर ७ गते देखी ९ गते सम्म बन्द सत्र चलेको थियो । सम्मेलनमा पार्टीका महासचिव विप्लव सीको प्रमुख आतिथ्यता रहेको थियो । सम्मेलनले  नरेन्द्र सी को अध्यक्षतामा  १८१ जनाको केन्द्रिय समिति निर्वाचित गरेको छ ।