हेलिकोप्टर रिजर्भ गरेर पल शाह रुकुम महोत्सवमा, हजारौ दर्शकको सहभागिता 

रुकुम पश्चिमको मुसिकोटमा जारी ‘रुकुम कृषि, पर्यटन, व्यापार तथा साँस्कृतिक महोत्सव’ को सातौं दिन चर्चित नायक तथा मोडल पल शाहले प्रस्तुती राख्नु भएको छ । 

रुकुम उद्योग वाणिज्य संघको आयोजना र कला संस्कृति पर्यटन प्रवद्र्धन मञ्च रुकुम पश्चिमको सह–आयोजनामा सञ्चालित महोत्सवमा प्रस्तुतीको लागि शाहलाई हेलिकोप्टर मार्फत रुकुम ल्याईएको हो । 

शाहको प्रस्तुती हेर्न हजारौ दर्शकको सहभागिता रहेको महोत्सव सह आयोजक कला संस्कृति पर्यटन प्रवद्र्धन मञ्चका डिल्ली परियारले जानकारी दिनुभयो । 

शाहले ‘तिमी र म जाम ...’ लगायतका गितमा अभिनय गरेर दर्शहरुलाई मनोरञ्जन दिनुभएको थियो । महोत्सवस्थलमा उहाँलाई हजारौ दर्शक तथा फ्यानहरुले पछ्याएका थिए । 

फागुन १८ गतेबाट सञ्चालित महोत्सव २८ गते सम्म चल्ने बताईएको छ । महोत्सवमा राष्ट्रिय तथा स्थानीय कलाकारहरुको प्रस्तुतीहरुको साथमा एक सय बढी व्यापारीक स्टलहरु रहेका छन् । 

गत वर्ष पनि शाह सोहि स्थानमा चलेको महोत्सवमा सहभागी हुनुभएको थियो । आयोजक राष्ट्रिय लोक दोहोरी प्रतिष्ठान रुकुम पश्चिमले पनि शाहलाई हेलिकोप्टर मार्फत नै महोत्सवमा सहभागि गराएको थियो ।