सोसल मिडिया
रुकुम पश्चिमको चौरजहारीमा भोलि फागुन २९ गतेदेखि घुम्ती शिविर सञ्चालन हुने भएको छ ।
रुकुम पश्चिम, जाजरकोट र सल्यान जिल्लाका पत्रकार र सञ्चार माध्यामलाई लक्षित गरेर घुम्ती शिविर सञ्चालन हुन थालेको हो ।
सूचना तथा प्रसारण विभाग काठमाडौंको आयोजना र नेपाल पत्रकार महासंघ रुकुम पश्चिमको समन्वयमा फागुन २९, ३० र चैत १ गते शिविर सञ्चालन हुने भएको हो ।
शिविरबाट सञ्चार माध्याम दर्ता, नविकरण, पत्रकार प्रेस पास वितरण तथा नविकरण लगायतका सेवाहरु प्रदान हुने पत्रकार महासंघ रुकुम पश्चिमका अध्यक्ष लक्ष्मण केसीले जानकारी दिनुभयो । यसका साथै पत्रकारहरुको लागि क्षमता अभिबृद्धिका तालिम समेत सञ्चालन हुने अध्यक्ष केसीले बताउनुभयो ।
शिविरका लागि सूचना विभागको टोली आजै रुकुम पश्चिम आईपुग्ने केसीले जनाउनुभयो । घुम्ती शिविर मार्फत सेवा प्रवाहका लागि तीन जिल्लाका पत्रकार महासंघको समन्वय भईरहेको समेत बताईएको छ ।
