सल्यान । सल्यान बनगाड कुपिण्डे नगरपालिका १ सल्लीबजारमा फ्री वाइफाई जडान गरिएको छ ।

सल्लीबजारमा रहेको वर्डलिङ्कले आज देखि फ्री वाइफाई सेवा सुचारु गरेको युनिट इन्चार्ज अर्जुन खड्काले जानकारी दिनुभयो ।  उहाँका अनुसार सल्लीबजारको चार ठाउँमा डिभाइस जडान गरिएको छ । 

प्रहरी चेकपोस्ट, लक्ष्मी सनराइज बैक, बसपार्क, र माथिल्लो बजार जनबन्धु पोलिक्लिनिक नजिकमा राखेर  २४ घण्टा ईन्टरनेट सेवा उपलब्ध गराइने बताउनुभयो । 

बजार प्रतिनिधि बालकष्ण बुढाका अनुसार वाइफाइले १ सय ५० मिटर वरपर समेत टिप्न सक्ने क्षमता भएकोले बजारमा ४ वटाले राम्रो काम गर्ने छ ।  गाउघरबाट बजार क्षेत्रमा आएका मानिसहरुलाई सहज तरिकाले ईन्टरनेटको सुविधा दिने उद्देश्यले बजार एरियामा वाइफाइ जडान गरिएको हो ।