सोसल मिडिया
रुकुम पश्चिम । राष्ट्रिय स्वतन्त्र पार्टी रुकुम पश्चिमको जिल्ला अभियान संयोजकमा इन्जिनियर मान बहादुर शाही चयन हुनुभएको छ ।
बिहीबार पार्टीको केन्द्रिय संगठन विभागले शाहीलाई जिल्ला अभियानको संयोजकको जिम्मेवारी दिएर पठाएको हो । राष्ट्रिय स्वतन्त्र पार्टी कर्णाली प्रदेशले तीन महिने कर्णाली विशेष अभियान संचालन गर्दै छ ।
उक्त विशेष अभियान संचालनका लागी नरेन्द्र के.सी, यमराज केसी, पुस्तक चन्द, प्रेम बोहरा, प्रविण बुढाथोकी, रविन केसी र सरोज केसी लगायतलाई जिल्ला सदस्यमा मनोनित गरिएको संयोजक शाहीले जानकारी दिनुभयो ।
तीन महिने अभियानमा पार्टीले कर्णालीका जिल्लामा रास्वपा भन्ने उद्देश्यका साथ कर्णालीमा पार्टी निर्माण र सदस्यता वितरण गर्ने विशेष अभियानका जिल्ला सदस्य पुस्तक चन्दले बताउनुभयो । उहाँका अनुसार अभियानकै क्रममा पार्टीले काठ्माडौमा कर्णाली विषयक अन्तरक्रियात्मक नीति मन्थन कार्यक्रम पनि संचालन गर्ने छ ।
