जिल्ला प्रहरी कार्यालय रुकुम पूर्वले पेस्तालसहित एक जनालाई पक्राउ गरेको छ । 

जिल्लाको भूमे गाउँपालिका ९ गोठीखोलामा निवासी ३९ वर्षिय नविन मल्ल भन्ने विश्वास बिक्रम मल्ललाई प्रहरीले घरबाटै पक्राउ गरेको हो । 

जिल्ला प्रहरी कार्यालयका सूचना अधिकारी प्रहरी निरीक्षक हरि भट्टराईका अनुसार पेस्तोल र म्याग्जिन घरमा लुकाई छिपाई राखेको अवस्थामा हिजो दिउँसो मल्ललाई पक्राउ गरिएको हो । 

पक्राउ परेका मल्ल बिरुद्ध हातहतियार सम्बन्धी मुद्धा चलाईएको छ । मल्ललाई रुकुमकोट जिल्ला अदालतबाट पाँच दिनको म्याद थप गरेर अनुसन्धान भइरहेको  प्रहरी निरीक्षक भट्टराईले जानकारी दिनुभयो ।