सोसल मिडिया
रुकुम पश्चिम । मानव अधिकारको लागि महिला, एकल महिला जिल्ला संजाल रुकुम पश्चिमको अध्यक्षमा निर्मला बिष्ट चयन हुनुभएको छ ।
आज भएको सञ्जालको तेस्रो जिल्ला अधिबेशनले बिष्टलाई अध्यक्षमा चयन गरेको हो । सञ्जालको जिल्ला अधिबेशन मुसीकोट नगरपालिका– १ खंलगामा सम्पन्न भएको हो ।
जसको उपाध्यक्षमा मनकला पुन, सचिवमा जमुना विक, सह–सचिवमा देउमा भण्डारी रहनुभएको छ । त्यस्तै कोषाध्यक्षमा सुपारी ओली र सदस्यमा कमला पुन रहनुभएको छ ।
एक सदस्य थप गर्ने नवनिर्वाचित अध्यक्ष विष्टले जानकारी दिनुभयो । सञ्जालले एकल महिलाहरुको हक हितको लागि विभिन्न काम गर्दै आएको छ ।
एकल महिलाको मानव अधिकार हननका बिषयमा पनि सञ्जालले वकालत गर्दै आएको अध्यक्ष विष्टले जानकारी दिनुभयो ।
अधिबेशनको उद्घाटन जिल्ला समन्वय समिति रुकुम पश्चिमका पुर्व उप–प्रमुख ईन्द्रिरा बिएमले गर्नुभएको । निवर्तमान अध्यक्ष सिता कुवर पुनको अध्यक्षतामा भएको उद्घाटनसत्रको संचालन निर्मला विष्टले गर्नुभएको थियो ।
