सोसल मिडिया
रुकुम पश्चिममा विश्व क्षयरोग दिवसको अवसरमा पत्रकारहरुसंग अन्तरक्रिया कार्यक्रम सम्पन्न भएको छ । स्वास्थ्य सेवा कार्यालय र मुसीकोट नगरपालिकाको सयुंक्त आयोजनामा खंलगामा कार्यक्रम सम्पन्न भएको हो
अन्तरक्रियामा जिल्लामा क्षयरोगको अवस्था, रोग नियन्त्रणको लागि सरोकारवालाहरुले गरेको क्रियाकलापको विषयमा जानकारी गरिएको छ । जिल्लामा क्षयरोगको अवस्थामा स्वास्थ्य सेवा कार्यालयका खोप सुपरभाइजर अधिकृत कृष्णा खड्काले जानकारी गराउनुभएको थियो ।
रुकुम पश्चिम क्षयरोगका विरामि भएको जिल्लामा कर्णाली प्रदेशको तेस्रोमा पर्छ । आर्थिक बर्ष ०७५/७६ मा १३० जना, ०७६/७७ मा १६९ जना, आर्थिक बर्ष ०७७/७८ मा १३२ जना, ०७८/७९ मा १७६ जना, ०७९/८० मा १६९ जनामा र चालु आर्थिक वर्ष ०८०/८१ को फागुनसम्म ११२ जना क्षयरोगका विरामि रहेको खोप सुपरभाईजर खड्काले जानकारी दिनुभयो ।
उहाँका अनुसार जिल्लामा चालु आर्थिक वर्षको फागुन सम्म क्षयरोग देखिएका मध्य ९५ प्रतिशतको उपचार भैरहेको र औषधि सेवन गरिरहेका छन् । त्यस्तै सोहि अवधिमा २ जनाको क्षयरोगका कारण ज्यान गएको खोप सुपरभाइजर अधिकृत खड्काले जानकारी दिनुभयो । उहाँका अनुसार जिल्लाका सम्पुर्ण क्षयरोगका विरामिहरु स्वास्थ्य संस्थाको पहुचमा रहेका छन् ।
जिल्लामा ३२ वटा स्वास्थ्यसंस्थामा क्षयरोगको उपचार तथा औषधि वितरण हुने स्वास्थ्य सेवा कार्यालयका सुचना अधिकारी तथा जनस्वास्थ्य निरिक्षक कालिबहादुर ओलीले जानकारी दिनुभयो । उहाँका अनुसार चार स्थानबाट माईक्रोस्कोप र एक स्थानबाट जिनएक्पर्टबाट क्षयरोगको परिक्षण हुने गर्छ । माईक्रोस्कोपबाट फोक्सोमा हुने क्षयरोगको परिक्षण हुने भए पनि अन्य अंगमा हुने क्षयरोगको परिक्षण भने जिनएक्पर्टबाट हुने गर्छ ।
जिल्ला अस्पताल, आठविसकोट नगर अस्पताल, चौरजहारी मिसन अस्पताल र सहिद नगर अस्पतालबाट माईक्रोस्कोपबाट क्षयरोगको परिक्षण हुने गरेको छ भने जिनएक्पर्ट मेसिनबाट जिल्ला अस्पताल सल्लेमा मात्र क्षयरोग परिक्षण हुने गरेको छ ।
मुसीकोट नगरपालिकाका प्रमुख महेन्द्र केसीको अध्यक्षतामा भएको कार्यक्रममा स्वास्थ्य सेवा कार्यालय र मुसीकोट नगरपालिका स्वास्थ्य शाखाका स्वास्थ्यकर्मी, पत्रकार लगायतको सहभागिता रहेको थियो । अन्तरक्रिया कार्यक्रमको संचालन नगरपालिका स्वास्थ्य शाखा प्रमुुख बेदराम ओलीले गर्नुभएको थियो ।
