सोसल मिडिया
जिल्ला प्रहरी कार्यालय रुकुम पूर्वले एक थान अवैध पेस्तोल बरामद गरेको छ ।
सोमबार बेलुका साढे ६ बजे प्रहरीले सिस्ने गाउँपालिका ५ स्थित कमलदह नजिकैको जंगलमा रहेको ढुंगाको ओढारमा लुकाई राखेको पेस्तोल बरामद गरेको हो ।
जिल्ला प्रहरी कार्यालयका सूचना अधिकारी प्रहरी निरीक्षक हरि भट्टराईका अनुसार बेवारिसे अवस्थामा फेला परेको उक्त पेस्तोलमा खिया लागेको कारण नाम स्पष्ट बुझिएको छैन ।
उक्त अवैध पेस्तोललाई रित पूर्वक बरामद गरी कार्यालयमा ल्याएर थप अनुसन्धान कार्य भईरहेको प्रहरी निरीक्षक भट्टराईले जानकारी दिनुभयो ।
