सोसल मिडिया
रुकुम पश्चिम । रुकुम पश्चिमको मुसिकोट नगरपालिका १३ का सुनौलो हजार दिनका आमाहरुलाई हिउँदे तरकारीको बिउ वितरण गरिएको छ । बिहीबार वडाका कृषकहरुलाई हिउँदे तरकारीको बिउ वितरण गरिएको हो ।
मुसिकोट नगरपालिकाको कृषि शाखा बाट प्राप्त ४५ प्याकेट र वडाबाट विनियोजित बजेटबाट ८० प्याकेट गरि जम्मा एक सय ३० प्याकेट हिउँदे तरकारीको बिउ वितरण गरिएको वडा अध्यक्ष खलबहादुर खड्काले जानकारी दिनुभयो ।
उहाँका अनुसार काक्रा, फर्सि, भान्टा, भिन्डी, सिमी, बोडि, लौका, खुर्सानी लगायतको बिउ वितरण गरिएको छ । यसैगरि नगरपालिकाको पशु सेवा शाखाबाट पशु पंक्षिलाई जुकाको औषधि र हिमालय बत्त्तिसा भितामिन पनि वितरण गरिएको हो ।
उक्त वितरण कार्यक्रममा वडा अध्यक्ष, वडा सदस्य, पशु प्राविधिक, कृषि प्राविधिक, वडाको चौकि ईन्चार्ज लगायतको उपस्थिती रहेको थियो ।
हजार दिनका सुत्केरी आमाहरुलाई पोषिलो खानेकुरा खानुपर्दछ भन्ने सचेतना अभियानका लागी हिउँदे तरकारीको बिउ वितरण गरिएको वडा अध्यक्ष खड्काले बताउनुभयो ।
