रुकुम पश्चिमको चौरजहारी नगरपालिकाकी एक महिला घरबाटै बेपत्ता भएको बताईएको छ । 

नगरपालिकाको वडा नम्वर १ घारीगाउँ निवासी ३६ वर्षिय लिलावती बुढा घरबाटै हराएको ईलाका प्रहरी कार्यालय चौरजहारीले जनाएको छ । 

प्रहरीका अनुसार घारीगाउँ बस्ने बुद्धिमान बिकको श्रीमती लिलावती बुढा चैत २३ गते शुक्रबारबाट हराउनुभएको हो । उक्त दिन बिहान करिब ३ बजेको समयमा कोहि कसैलाई थाह नदिई घरबाट निस्कि हराई बेपत्ता भएको प्रहरीको भनाई छ । 

बेपत्ता बुढालाई देखे वा भेटेमा नजिकैको प्रहरी कार्यालय वा बुद्धिमान बिकको मोबाईल नम्वर ९७६९९७६५१८ मा खबर गरिदिन प्रहरीले सार्वजनिक अनुरोध समेत गरेको छ ।