रुकुम पूर्वमा बुकीन्युज समाचार अनलाईन औपचारिक रुपमा शुभारम्भ गरिएको छ । बूकी फूल मिडिया प्रा.ली. द्धारा संचालित बुकीन्युज अनालाईन आजदेखी जिल्लामा औपचारिक रुपमा शुभारम्भ गरिएको हो ।

नागरिकहरुको आवाजलाई सुसूचीत गर्ने उद्धेश्यले समाचार अनलाईन सुभारम्भ गरिएको बूकी फूल मिडिया प्रा.ली. का अध्यक्ष लिलामणी गौतमले जानकारी दिनुभयो ।

रुकुम पूर्व जिल्ला मात्र नभई मध्यपहाडी लोकमार्गसँग जोडिएका सबै जिल्लाका कुना-कुनाका समाचारहरुलाई अनलाईनका माध्यमबाट सम्प्रेशन गरिने उहाँले बताउनुभयो ।

बूकी फूल मिडिया प्रा.ली. का अध्यक्ष लिलामणी गौतमको अध्यक्षता रहेको शुभारम्भ कार्यक्रममा जिल्ला समन्वय समितिका प्रमुख मेघ बहादुर श्रेष्ठको प्रमुख तथा उपप्रमुख मोहोन बहादुर के.सी. को बिशेष आतिथ्यता रहेको थियो ।

यस्तै कार्यक्रममा जिल्ला स्थित सुरक्षा निकायका प्रमुखहरु, राजनीतिक दलका साथै बिभिन्न सरकारी तथा गैरसरकारी संघसंस्थाका प्रमुखहरु लगाएतको उपस्थिती रहेको थियो । कार्यक्रमको संचालन बूकी फूल न्युजका समाचार प्रमुख परिचन्द्र खत्रीले गर्नुभएको थियो ।