रुकुम पश्चिम । भेरी नदिमा नुहाउन गएका जाजरकोटका एक युवा बेपत्ता भएका छन् ।

जाजरकोटको शिवालय गाउँपालिका वडा नम्वर ३ सिमा निवासी २४ वर्षिय कमल बुढा भेरी नदिमा डुबेर बेपत्ता भएको प्रहरीले जनाएको छ । 

जिल्ला प्रहरी कार्यालय रुकुम पश्चिमका प्रहरी नायब उपरिक्षक (डिएसपी) नवराज पोखरेलका अनुसार बिहिबार दिउँसो रुकुम पश्चिमको चौरजहारी नगरपालिका –३ मा पर्ने भेरी नदिमा नुहाउन गएका बुढा डुबेर बेपत्ता भएका हुन् । 

उहाँका अनुसार चौरजहारी नगरपालिका –३ टाटागाउँमा निर्माणधिन ५० शैयाको रुकुम चौरजहारी अस्पतालमा मजदुरी गर्ने बुढा नुहाउनको लागि दिउँसो भेरि नदिमा गएका थिए । 

बुढा भेरी नदिमा बेपत्ता भएको सूचना प्राप्त हुन साथ ईलाका प्रहरी कार्यालय चौरजहारीबाट खोजतलासको लागि प्रहरी टोली घटनास्थल पठाईएको डिएसपी पोखरेलले जानकारी दिनुभयो । स्थानीयवासी र प्रहरीले बेपत्ता बुढाको खोजि गरिरहका छन् ।