सोसल मिडिया
रुकुम पश्चिमको चौरजहारी नगरपालिका -३ टाटागाउँ खेलमैदानमा १९ वर्ष मूनिका पुरुष तर्फको खुल्ला फुटबल प्रतियोगिता सम्पन्न भएको छ ।
स्वर्गीय ईन्जिनियर धर्मराज बुढाथोकीको ३१ औ जन्मदिनको सम्झनामा टाटागाउँ फुटबल क्लब (टिएफसी) ले १९ वर्ष मुनिका पुरुष फुटबल प्रतियोगिता आयोजना गरेको हो । ईन्जिनियर बुढाथोकीको २०७८ साल असार ८ गतेका दिन दुर्घटनामा परेर निधन भएको थियो ।
चौरजहारी नगरपालिका वडा नम्वर ३ निवासी स्व. बुढाथोकीको जन्मदिनको सम्झनामा फूटबल प्रतियोगिता आयोजना गरिएको हो ।
आयोजक टिएफसीका कोष संयोजक यदु कुमार बुढाका अनुसार प्रतियोगितामा योङ स्टार क्लब नाखिरा प्रथम भएको छ भने थदर युवा क्लब द्धितिय भएको छ । त्यसैगरी घारीगाउँ युवा क्लब तृतीय स्थान ल्याउन सफल भएको छ ।
प्रतियोगितामा प्रथम स्थान ल्याउन सफल योङ स्टार क्लब नाखिरालाई प्रमाणपत्रसहित नगद सात हजार ७०५, द्धितीय स्थान ल्याउन सफल थदर युवा क्लबलाई चार हजार ७१० रुपियाँ र तेस्रो स्थान ल्याउन सफल घारीगाउँ युवा क्लबलाई तीन हजार ५० रुपियाँ पुरस्कार प्रदान गरिएको छ ।
प्रतियोगितामा विभिन्न ६ वटा फुटबल टिमले भाग लिएका थिए । प्रतियोगितामा भाग लिएका अन्य तीन टिमहरु टाटागाउँ फुटबल क्लब, सोती योङ स्टार र ईगल स्टारलाई सान्त्वना पुरस्कार प्रदान गरिएको कोष संयोजक बुढाले जानकारी दिनुभयो ।
