रुकुम पूर्व / नेकपा एमाले रुकुम पूर्वले आज जिल्लाका बिभिन्न २५ ओटा वडाहरुमा वडा अधिवेशन सम्पन्न गरेको छ ।

नेकपा एमाले रुकुम पूर्वका जिल्ला कमिटि सचिव लिलामणि गौतमले आज २५ ओटा वडामा एकैसाथ वडा अधिवेशन सम्पन्न गरेको बताउँनुभयो । सबै वडामा सर्वसम्मत कमिटि बनाईएको उहाँले जनाउँनुभयो ।

वडा अधिवेशन गर्न बाँकि रहेका ६ ओटा वडाहरुमा कार्तिक ७ गते आईतबार अधिवेशन सम्पन्न गरिने उहाँले बताउँनुभयो । भौगोलिक विकटताको कारण ६ ओटा वडामा आज अधिवेशन हुन नसकेको उहाँले उल्लेख गर्नभयो ।

आज अधिवेशन हुन नसकेका सिस्ने गाउँपालिकाको वडा नम्वर १ र २, भूमे गाउँपालिकाको वडा नम्वर २ र ६ र पुथा उत्तरगंगा गाउँपालिकाको वडा नम्वर ७ र ८ मा भोलि वडा अधिवेशन गरिने सचिव गौतमले बताउँनुभयो ।

रुकुम पूर्वका तीन ओटा गाँउपालिकामा ३१ ओटा वडा रहेका छन् ।