दाङको घोराहीबाट रुकुम पुर्वतर्फ जाँदै गरेको यात्रुवहाक बस दुर्घटनामा परेर चालकसहित २२ जना घाईते भएका छन् । 

बुधबार बिहान पौने ११ बजे राप्ती राजमार्ग अन्तर्गत सल्यानको बागचौर नगरपालिका २ मा रहेको पुल नजिक बस दुर्घटना भएको हो । घाईते मध्य चार जनाको स्वास्थ्य अवस्था गम्भिर रहेको प्रहरीले जनाएको छ । 

जिल्ला प्रहरी कार्यालय सल्यानका सूचना अधिकारी प्रहरी निरीक्षक निमबहादुर विष्टका अनुसार तुल्सिपुर यातायात प्रा.लि.को रा १ ख २०८५ नम्बरको यात्रुवहाक बस अनियन्त्रित भई सडक देखि करिब २० मिटर तल खसेर दुर्घटना भएको हो । 

बस दुर्घटना हुँदा चालकसहित २२ जना घाईते भएका छन् । घाईते हुनेहरुमा दाङ जिल्लाको तुल्सिपुर उप महानगरपालिका ४ बस्ने गाडी साहु ४६ वर्षिय का बिष्णु बि.क., सोहि उप महानगरपालिका १० बिजौरी निवासी २९ बर्षिय कृष्ण चौधरी, दाङको नारायणपुर नगरपालिका १० बस्ने २६ बर्षिया दिल कुमारी गौतम  र रुकुम पश्चिमको  पश्चिम  त्रिबेणी गाउँपालिका २ निवासी २२ बर्षिया चित्रा पुन रहेको प्रहरीले जनाएको छ । उहाँहरु चारै जनाको कम्मरमा चोट लागेको र अवस्था सिरियस रहेकोले थप उपचारको लागि नेपालगञ्ज पठाईएको छ ।

अन्य घाईते हुनेहरुमा दाङको नारायणपुर नगरपालिका ४ रक्षाचौर बस्ने २६ बर्षिया खिमा बिक, तुल्सिपुर उपमहानरगपालिका ६ बस्ने ३४ बर्षिय बस चालक पुर्ण शम्सेर जबरा, सोहि उपमहानगरपालिका ७ परसेनि निवासी ४९ वर्षिया ठगि बुढा, ४७ बर्षिया कुम्भ कुमारी बुढा, रुकुम पश्चिमको चौरजहारी नगरपालिका २ निवासी १६ बर्षिया पुष्पा चन्द, त्रिबेणी गाउँपालिका २ बस्ने ६ बर्षिया रेशम मगर, चौरजहारी नगरपालिका ९ निवासी १७ वर्षिय उमेश मल्ल, सल्यानको शारदा नगरपालिका ५ निवासी १९  बर्षिया सपना भण्डारी, बागचौर नगरपालिका १ निवासी ५० वर्षिया भुमा बस्नेत, शारदा नगरपालिका १५ निवासी २३ वर्षिया योगमाया बस्नेत हुनुहुन्छ । उहाँहरुको अवस्था मध्यम रहेको प्रहरीको भनाई छ । 

त्यसैगरी रुकुम पूर्वको सिस्ने गाउँपालिका ६ निवासी ११ बर्षिया अरुणा गौतम, रुकुम पश्चिमको बाँफिकोट गाउँपालिका १ निवासी १४ वर्षिय निश्चल हमाल, सल्यानको बागचौर नगरपालिका २ निवासी २ वर्षिया ललिता बस्नेत, सोहि स्थानका २५ बर्षिय सुरेन्द्र बस्नेत, छत्रेश्वरी गाउँपालिका १ दमाचौर निवासी ३१ बर्षिय बिरेन्द्र चन्द, सिद्ध कुमाख गाउापालिका १ निवासी १७ बर्षिय बिरबहादुर बस्नेत, त्रिबेणी गाउँपालिका ६ बस्ने ३३ बर्षिय बसन्त जंग क्षेत्री  र रोल्पा जिल्लाको रुन्टीगढी गाउँपालिका ५ निवासी २५ वर्षिय रञ्जित बि.क. घाईते हुनुभएको छ । उहाँहरुको अवस्था सामान्य रहेको छ । 

उहाँहरुलाई उपचारको लागि स्थानिय जनप्रिय मेडिकल थारमारेमा पठाईएको जिल्ला प्रहरी कार्यालय सल्यानले जानकारी दिएको छ ।