सोसल मिडिया
रुकुम पश्चिममा एक जेष्ठ नागरिक पाँच दिनदेखि हराईरहेको बताईएको छ ।
जिल्लाको चौरजहारी नगरपालिका वडा नम्वर १४ निवासी ७३ वर्षिय कर्णबहादुर पुन पाँच दिनदेखि घरपरिवारको सम्पर्कमा हुनुहुन्न । आफ्नो फुपाजु गत वैशाख ९ गतेदेखि बेपत्ता हुनुभएको स्थानीय नरसिंह पुनले जानकारी दिनुभयो ।
उहाँका अनुसार मानसिक रुपमा समेत अस्वस्थ रहनुभएका पुन हालसम्म फेला पर्नुभएको छैन । वैशाख ९ गते बिहान चौरजहारी नगरपालिका -१४ को नाउली पनेरादेखि चौरजहारी बजार जाने नगरबसमा चढ्नुभएका उहाँ त्यसयता परिवारको सम्पर्कमा आउनुभएको छैन ।
सबै आफन्तहरुले खोजी गर्दापनि उहाँ नभेटिएको नरसिंहले जानकारी दिनुभयो । उहाँका अनुसार प्रहरी चौकी नुवाकोटामा पनि बेपत्ता पुनको खोजीको लागि निवेदन दिईएको छ ।
उहाँलाई देख्ने तथा भेट्नुहुने जो कोहिले नजिकैको प्रहरी कार्यालय तथा आफन्तहरुको सम्पर्क मोबाईल नम्वरहरु ९८६६९१९८७५ वा ९७६९७७९४०० मा सम्पर्क गरिदिनु हुन परिवारजनले आग्रह गर्नुभएको छ ।
