रुकुम पश्चिमको मुसिकोट खलङ्गा बहुमुखी क्याम्पसमा शुक्रबार हाजिरी जवाफ प्रतियाेगिता सम्पन्न भएको छ ।

क्याम्पसको  अतिरिक्त क्रियाकलाप अन्तर्गत भएको हाजिरी जवाफ प्रतियोगितामा समुह नम्वर ४ मा रहेका नवराज बुढाको नेतृत्वको समुहले प्रथम स्थान हाँसिल गरेको छ । यस समुहमा नन्दराम बुढाथोकी र एजुकेशन पुन मगर रहनुभएको थियो । 

त्यसैगरी प्रतियोगितामा कमल खड्काको नेतृत्वमा रहेको समुह नम्वर ७ ले दोश्रो स्थान हात पारेको छ । यस समुहमा मनिराम झाँक्रिमगर र रमिता मल्ल रहनुभएको थियो । 

प्रतियोगितामा समुह नम्वर ५ ले तृतीय स्थान प्राप्त गरेको छ । आशिष खत्रीको नेतृत्वमा रहेको यस समुहमा मनिषा हमाल र कविता खत्री रहनुभएको थियो । क्याम्पसका उपप्राध्यापक हरिविष्णु ओलीका अनुसार प्रतियोगितामा विभिन्न सात वटा समुहले भाग लिएका थिए । 

प्रतियोगिताको सञ्चालन पूर्व क्याम्पस प्रमुख मुकुन्द प्रसाद शर्माले गर्नुभएको थियो भने संयोजन विभाग प्रमुख टेकबहादुर ओलीले गर्नुभएको थियो ।

कार्यक्रममा क्याम्पस प्रमुख बुद्धि प्रसाद गौतम, उपप्राध्यापकहरु हरिविष्णु ओली, टेकबहादुर ओली, हर्कबहादुर ओली, गंगाबहादुर कार्की, शशिराम घर्ती, लक्ष्मी लम्साल, राधा बिक लगायत बिद्यार्थीहरुको उपस्थिति रहेको थियो । 

प्रतियोगितामा प्रथम, दोश्रो र तेस्रो स्थान ल्याउन सफल बिद्यार्थीहरुलाई पुरस्कार र प्रमाणपत्रको व्यवस्था गरिएको क्याम्पसले जनाएको छ ।