सोसल मिडिया
रुकुम पश्चिम । राष्ट्रिय युवा संघ नेपालको स्थापना दिवसको अवसरमा बिरामीहरुलाई फलफूल वितरण गरिएको छ ।
मंगलबार संघको ३५ ओँ स्थापना दिवसको अवसरमा जिल्ला अस्पताल सल्लेमा रहेका बिरामीहरुलाई फलफूल वितरण गरिएको हो । अस्पतालमा भर्ना भएका २८ जना बिरामीहरुलाई फलफूल वितरण गरिएको हो ।
राष्ट्रिय युवा संघ नेपाल कर्णाली प्रदेश कमिटी सदस्य सिताराम देवकोटाको संयोजनमा भएको फलफूल वितरण कार्यक्रममा नेकपा एमाले रुकुम पश्चिमका जिल्ला अध्यक्ष नन्दराम देवकोटा, संघका पुर्व केन्द्रीय सदस्य भिमराज ओली र लालबहादुर बुढा, युवा संघका मुसिकोट ईन्चार्ज निर्मल दाहाल, जिल्ला अस्पताल सल्लेका स्त्रीरोग बिशेषज्ञ डा.केहल बिक्रम जिसी, अधिकृत मनोज केसी, लेखापाल प्रकाश खड्का लगायतको उपस्थिति रहेको थियो ।
उक्त अवसरमा बिरामीहरुलाई फलफुल वितरणका साथै स्वास्थ्य लाभको कामना समेत गरिएको थियो ।
