सोसल मिडिया
रुकुम पश्चिम । पेशागत महासंघ नेपालको २९ औं स्थापना दिवसको अवसरमा अस्पतालमा फलफूल वितरण गरिएको छ ।
महासंघको रुकुम पश्चिम शाखाले आईतबार जिल्ला असपताल सल्लेमा रहेका ३५ जना बिरामी र कुरुवालाई फलफूल वितरण गरेको सचिव हरिबिष्णु ओलीले जानकारी दिनुभयो ।
फलफूल वितरणका साथै बिरामीहरुको स्वास्थ्य लाभको कामना समेत गरिएको सचिव ओलीले बताउनुभयो ।
फलफूल वितरण कार्यक्रममा नेकपा (एमाले) रुकुम पश्चिमका जिल्ला अध्यक्ष नन्दराम देवकोटा, कर्णाली प्रदेश कमिटी सदस्य अधिवक्ता रचना मल्ल लगायतको उपस्थिति रहेको थियो ।
पेशागत महासंघ रुकुम पश्चिमका सचिव ओलीका अनुसार महासंघमा २९ राष्ट्रिय संघ, ४३ प्रतिष्ठान कमिटी र सात लाख ३५ हजार साधारण सदस्य आबद्ध रहेका छन् ।
