रुकुम पश्चिमको मुसिकोट नगरपालिका वडा नम्बर ३ माछिमीको एक घरमा आगलागी हुँदा करिब २५ लाख बराबरको सामान क्षती भएको छ । 

शनिबार राती स्थानीय गोर्खबहादुर केसीको घरमा आगलागी भएको हो । जिल्ला प्रहरी कार्यालयका प्रहरी नायब उपरिक्षक नवराज पोखरेलका अनुसार बिद्युत सर्ट हुँदा केसीको घरमा आगलागी भएको हो । 

आगलागीबाट केसीको घरमा रहेको सुन, नगद, तामा र काँसका भाँडाकुडि, अन्नपात, लत्ताकपडा लगायत जलेर नष्ट भएका छन् । आगलागीबाट मानवियि क्षती भने भएको छैन । आगलागीबाट केसीको घर समेत जलेको छ । 

आगो लागेको करिब ३ घण्टापछि नेपाल प्रहरी, सशस्त्र प्रहरी, नेपाली सेना र स्थानीयको सहयोगमा राती ११ बजे आगलागी नियन्त्रणमा लिइएको थियो ।