सोसल मिडिया
रुकुम पश्चिमको सानीभेरी गाउँपालिका –१० अर्माडाँडाका बमबहादुर बि.क.ले विश्वको सर्वोच्च शिखर सगरमाथा आरोहण गर्नुभएको छ ।
उहाँले आईतबार बिहान ५ः५७ बजे सगरमाथाको सफल आरोहण गरेको जानकारी दिनुभयो । आरोहि बमहादुरले ‘हामी पनि सक्छौ’ भन्ने मुल उद्धेश्यसहित सामाजिक, आर्थिक, राजनैतिक तथा धार्मिक रूपमा पछाडि परेको वा पारिएको समुदायको एक पात्रको रूपमा सगरमाथाको चुचुरोमा पुगेको बताउनुभयो ।
बमबहादुरले संविधानले नै जातिय रूपमा छुवाछुत जघन्य अपराधको रूपमा स्विकार गरेको परिपेक्ष्यमा सबै धर्म, जातजाति, वर्ग, लिङ्ग तथा समुदाय समान हुन भन्ने राष्ट्रव्यापी सन्देश दिन खोजिएको उल्लेख गर्नुभयो ।
बमबहादुर निजामती कर्मचारी समेत हुनुहुन्छ । उहाँ हाल काभ्रेको खानीखोला गाउँपालिकामा नायब सुब्बा (लेखापाल) पदमा कार्यरत हुनुहुन्छ ।
उहाँले केही समय अघि मात्र दक्षिण अमेरिकाको सर्वोच्च शिखर एकान्कागुवाको सफल आरोहण गर्नुभएको थियो । यो हिमाल आरोहण गर्ने उहाँ पहिलो नेपाली निजामती कर्मचारी समेत हुनुहुन्छ ।
यसका साथै उहाँले यसअघि मनास्लु हिमाल र लोवुचे पिकको सफल आरोहण गरिसक्नुभएको छ । २०७६ को भदौ ९ गते मनास्लु र २०७८ मा लोवुचे पिकको आरोहण गर्नुभएको थियो ।
सन् २०१९ कै सिजनमा सगरमाथा आरोहण गर्ने तयारी गरेको तर कोरोाना महामारीका कारण आरोहण बन्द गरिएपछि अहिले आरोहन गरेको बमबहादुरले जनाउनुभयो ।
