सोसल मिडिया
रुकुम पश्चिमको मुसिकोट नगरपालिका ४ सोलबाङमा मुसिकोट नगर अस्पतालको भवन निर्माण सुरु भएको छ ।
भवनको एक कार्यक्रमका बिच मुसिकोट नगरपालिका प्रमुख महेन्द्र केसीले शिलान्यास गर्नुभएको छ । भवन शिलान्यसपछि नगर प्रमुख केसीले ग्रामिण क्षेत्रका जनतालाई पायक पर्नेगरी सोलाबांगमा नगर अस्पताल भवन बनाउन थालिएको बताउनुभयो ।
उहाँले नगरवासीलाई सहज र सरल रुपमा स्वास्थ्य सेवा उपलब्ध गराउन नगर सरकार लागिपरेको जनाउनुभयो ।
नगर अस्पताल १५ शैयाको हुने बताईएको छ । एक पालिका एक अस्पताल कार्यक्रम अन्तर्गत उक्त अस्पताल भवन निर्माण हुन थालेको हो ।
लामो समयसम्म उपर्युक्त स्थानमा जग्गा उपलब्ध नहुँदा नगर अस्पताल भवन निर्माणको काम अघि बढ्न सकेको थिएन ।
भवन निर्माण समितिका अध्यक्ष शंकर शर्माले जतिसक्दो चाँडो भवन निर्माणको काम सम्पन्न गर्ने गरी काम सुरु गरिएको बताउनुभयो ।
