सोसल मिडिया
रुकुम पश्चिमको त्रिवेणी गाउँपालिकामा रहेको युवा जनजागरण माध्यमिक विद्यालय झुल्नेटाका प्रधानाध्यापकले आफ्नो जन्मदिनको अवसरमा बिद्यार्थीहरुलाई पुरस्कृत गर्नुभएको छ ।
प्रधानाध्यापक टिकाराम खड्काले विद्यालयमा भएको वक्तृत्वकला प्रतियोगितामा उत्कृष्ट स्थान ल्याउन सफल बिद्यार्थीहरुलाई पुरस्कारको व्यवस्था गर्नुभएको हो ।
विद्यालयका अनुसार गत शुक्रबार विद्यालयमा भएको वक्तृत्वकला प्रतियागिताको सम्पूर्ण पुरस्कार प्रधानाध्यापक खड्काले आफ्नो जन्मदिनको अवसरमा व्यवस्थापन गर्नुभएको हो ।
विद्यालयमा आधारभूत तहको कक्षा १ देखि ५ र कक्षा ६ देखि ८ का साथै माध्यमिक तहको कक्षा ९ र १० को छुट्टाछुट्टै प्रतियागिता भएको थियो । उक्त प्रतियोगितामा सहभागिता भई उत्कृष्ट स्थान ल्याउन सफल बिद्यार्थीहरुलाई सात हजार बराबरको पुरस्कार व्यवस्था गर्नुभएको हो ।
यस अवसरमा प्रधानाध्यापक खड्काले यस कार्यलाई निर्नतरता दिने समेत बताउनुभयो । प्रधानाध्यापक खड्काले प्रशंसनिय कार्य गरेको विद्यालयको भनाई रहेको छ ।
