सोसल मिडिया
सामाजिक विकास कार्यालय रुकुम पश्चिमले निबन्ध प्रतियोगिताको आयोजना गरेको छ ।
विद्यालय तहमा अध्ययनरत बिद्यार्थीहरुको प्रतिभा तथा क्षमता पहिचानका लागि विद्यालयस्तरिय निबन्ध प्रतियोगिता आयोजना गरेको कार्यालयले जनाएको छ । ‘देश विकासमा बिद्यार्थीको भूमिका’ शिर्षकमा निबन्ध प्रतियोगिता आयोजना गरिएको समाजिक विकास कार्यालयका निमित्त कार्यालय प्रमुख ध्रुव कुमार बाँठा मगरले जानकारी दिनुभयो । उहाँका अनुसार निबन्ध प्रतियोगितामा प्रथम हुनेलाई १९ हजार, द्धितिय हुनेलाई १४ हजार, तृतीय हुनेलाई १० हजार र सान्त्वना स्थान ल्याउनेलाई सात हजार नगद पुस्कारको व्यवस्था गरिएको छ ।
कार्यालयले आज एक सूचना जारी गर्दै थप उत्कृष्ट १० जना छात्र र १० जना छात्रालाई जनही एक हजार नगद र स्टेशनरी सामाग्रीहरु प्रदान गर्ने समेत जनाएको छ ।
प्रतियोगितामा भाग लिने बिद्यार्थीले तोकिएको शिर्षकमा हस्तलिखित नेपाली भाषाको निबन्ध इमेल मार्फत पठाउन सकिने जनाएको छ । निबन्ध सात सय देखि एक हजार दुई सय शब्दको हुनुपर्ने कार्यालयका महिला विकास निरीक्षक सशिला घर्तीमगरले जानकारी दिनुभयो । उहाँका अनुसार जेठ ३० गतेभित्र निबन्ध पठाईसक्नुपर्ने छ ।
कार्यालयको चालु आर्थिक वर्षको स्वीकृत कार्यक्रम अनुसार निबन्ध प्रतियोगिता गर्न लागिएको कार्यालयले जनाएको छ ।
