सोसल मिडिया
रुकुम पश्चिममा एक पुरुषको कंकाल भेटिएको छ ।जिल्लाको चौरजहारी नगरपालिका -५ स्थित मालिका सामुदायिक वनमा कंकाल फेला परेको हो ।
उक्त कंकाल चौरजहारी नगरपालिका -१४ नाउली निवासी ७४ बर्षिया कर्ण बहादुर पुनको रहेको जिल्ला प्रहरी कार्यालय रुकुम पश्चिमका कार्यालय प्रमुख प्रहरी नायब उपरीक्षक (डिएसपी) नवराज पोखरेलले जानकारी दिनुभयो ।
पुन गत बैशाख ९ गतेदेखि हराउनुभएको थियो । हराएको करिब डेढ महिनापछि उहाँको शव जलेर कंकाल अवस्थामा फेला परेको हो । उहाँको मानसिक समस्या रहेको आफन्तको भनाइ छ । प्रहरी र आफन्तको निरन्तरको खोजिपछी जंगलमा उहाँको शव जलेको अवस्थामा फेला परेको हो ।
शव जलेको अवस्थामा फेला परेको र आफन्तले दाँतको आधारमा पहिचान गरेको डिएसपी पोखरेलले बताउनु भयो । पुनको एउटा खुट्टा र दाँत मात्र बाँकी रहेको अवस्थामा शव फेला परेको हो ।
सनाखत र आवस्यक कागजी प्रक्रिया पश्चात पुनका आफन्तले शव बुझेको बताईएको छ ।
