सोसल मिडिया
रुकुम पश्चिम । रुकुम पश्चिमको सानीभेरी गाउँपालिकाका तीन जना बिरामीहरुलाई उपचार खर्चमा सहयोग गरिएको छ । रोजगारीको शिलशिलामा अमेरीकामा रहेका नेपाली युवाहरुले संकलन गरेर पठाएको रकम बिरामीलाई हस्तान्तरण गरिएको हो ।
विभिन्न रोगबाट ग्रसित तथा आर्थिक अवस्था कमजोर भई उपचार गर्न समस्यामा रहेका बिरामीहरुलाई अमेरीका रहनुहुने सानीभेरी गाउँपालिका -६ का मनराज देवकोटाको नेतृत्वमा सहयोग अभियान सञ्चालन गरी रुकुमेली तथा अन्य ठाउँका ५१ जना नेपाली युवाहरुले तीन लाख ३० हजार ७२० रुपैया संकलन गरी पठाउनुभएको थियो ।
उक्त रकम पाठेघरको क्यान्सर भई काठमान्डौंमा उपचार गराइरहनुभएकी मनकला ओलीलाई दुई लाख, पूर्व जनमुक्ती सेनामा घाइते हुनु भई हाल खुट्टा भाँचिएर काडमान्डौंमा उपचार गराइरहनुभएका बलबहादुर पुनलाई एक लाख र लडेर ढाड भाँचिएर नेपालगंजमा उपचार गराइरहनुभएकी जयकुमारी पुनलाई ३० हजार ७२० रुपियाँ हस्तान्तरण गरिएको हो ।
उक्त रकम पत्रकार तथा सामाजिक अभियान्ता नारायण ओलीमार्फत बिरामीका आफन्तजनलाई हस्तान्तरण गरिएको हो ।
सहयोग रकम बुझ्दै क्यान्सर पिडित मनकला ओलीकी सासुआमा शशिली ओलीले बुहारीको उपचारमा धेरै रकम खर्च भई घरबार समेत जाने अवस्थामा सहयोग पठाउनुहुने सबै सहयोगीलाई धन्यबाद व्यक्त गर्नुभयो ।
सानीभेरी गाउँपालिका ६ का घाईते बलबहादुर पुनकी श्रीमती सार पुनले युद्ध कालमा घाइते भइ अपांगता भएको जीवन बिताइरहँदा उही खुट्टा फेरी भाँचिएर उपचारमा ठुलो रकम खर्च भएको र अहिले उपचारको लागि सहयोग प्राप्त हुदा अत्यन्तै खुसी भएको बताउनुभयो ।
अमेरीकामा कर्मथलो बनाएका रुकुमेलीहरुले यसअघि पनि थुप्रै बिरामीहरुलाई लाखौं सहयोग गरिसकेको पत्रकार ओलीले जानकारी दिनुभयो ।
