सोसल मिडिया
रुकुम पश्चिमको मुसिकोट नगरपालिका १ खलंगामा रहेको बिजयश्वरी इङलिस मिडियम बोर्डिङ स्कुलका प्रिन्सिपल जय बहादुर थापाले अन्तर्राष्ट्रिय पुरस्कार प्राप्त गर्नुभएको छ ।
थापाले हालै कोलम्बियामा भएको एक कार्यक्रममा तेस्रो अन्तर्राष्ट्रिय शिक्षा पुरस्कार प्राप्त गर्नुभएको हो । शिक्षा क्षेत्रमा पुर्याउनुभएको योगदानको उच्च कदर गर्दै प्रिन्सिपल थापालाई उक्त पुरस्कार प्रदान गरिएको हो ।
रुकुम पश्चिममा स्थापना भएर शिक्षा क्षेत्रमा गरेको योगदानको अन्तर्राष्ट्रिय जगतबाट प्रशंसा भएको भन्दै विद्यालयका सञ्चालक अनिता कुमाईले खुशी व्यक्त गर्नुभयो । यो खबरले विद्यालय परिवारका साथै सम्पूर्ण शुभचिन्तकहरुका थप हौसला मिलेको उहाँले बताउनुभयो।
