सोसल मिडिया
रुकुम पश्चिम । रुकुम पश्चिममा ट्याक्टर दुर्घटना हुँदा एक जनाको मृत्यु भएको छ । बिहीबार विहान १० बजेतिर जिल्लाको चौरजहारी नगरपालिका -१२ सानाखोलास्थित भित्री सडकमा ट्याक्टर दुर्घटना भएको हो ।
कुलो निर्माणको लागी ढुंगा लिई चौरजहारीतर्फ आउँदै गरेको क. प्र. ०३००१ त ००१ नम्बरको ट्याक्टर ब्रेक फेल भइ दुर्घटना भएको जिल्ला प्रहरी कार्यालय रुकुम पश्चिमका प्रहरी नायव उपरिक्षक नवराज पोखरेलले जानकारी दिनुभयो ।
उहाँका अनुसार दुर्घटनामा परि सोही ठाउँका २५ वर्षीय गोपाल खत्रीको मृत्यु भएको छ भने अन्य ६ जना घाइते भएका छन् ।
घाइतेहुनेहरुमा चौरजहारी नगरपालिका ११ का ९ वर्षीय डिल्ली डाँगी, वडा नम्बर १२ का ४३ वर्षीय बलु जैसी, सोही ठाउँकी १२ वर्षीया कल्पना वली, ४३ वर्षीय शरद शर्मा, २० वर्षीय विकास कुमाइ र चालक २३ वर्षीय लक्ष्मण कुमाइ रहेका छन ।
घाइतेहरुको मिसन अस्पताल चौरजहारीमा सामान्य उपचारपछि थप उपचारको लागी नेपालगन्ज रिफर गरिएको छ । ट्याक्टर सडकबाट ८० मिटर तल खसेको बताईएको छ ।
