रुकुम पश्चिममा करेन्ट लाग्दा एकजनाको मृत्यु भएको छ भने दुई जना घाइते भएका छन् l 

जिल्लाको मुसीकोट नगरपालिका वडा नम्बर ८ घोरखानी निवासी ६७ वर्षिया  झुपा देवी रोकाको करेन्ट लागेर मृत्यु भएको जिल्ला प्रहरी कार्यालय रुकुम पश्चिमका प्रहरी नायव उपरिक्षक  नवराज पोखरेलले जानकारी दिनुभयो । 

बिहिवार बिहान मकै गोड्न बारीमा गएको बेला लत्रिएको विद्युतको तारले उहाँलाई करेन्ट लागेको थियो । 

उहाँका अनुसार करेन्ट लागेर सोही ठाउँका  ६० वर्षिया शुसिला ओली र ३२ वर्षिया जमुना बुढाथोकी घाइते हुनु भएको छ । 

रोकालाई करेन्ट लागेपछी तान्न जानुभएका ओली र बुढाथोकी घाइते हुनुभएको प्रहरीको भनाई छ । 
दुबैजना घाइतेहरुलाई उपचारको लागि अहिले जिल्ला अस्पताल सल्लेमा ल्याईएको छ ।