सोसल मिडिया
रुकुम पश्चिम । मध्यपहाडी राजमार्गको रुकुमखण्ड अवरुद्ध भएको छ ।
बिहिवार बेलुका रुकुम पश्चिमको मुसिकोट नगरपालिका ८ किटनीमा पहिरो जाँदा बाटो अवरुद्ध भएको हो ।
सडक अवरुद्ध हुँदा रुकुमपश्चिम हुँदै रुकुम पुर्व, पोखरा, काठमाडौँ जाने यातायातका साधनहरु रोकिएको काठमाडौ जाँदै गर्नुभएका त्रिभुवन जनता मावि मुसिकोटका शिक्षक डिल्ली डाङ्गीले जानकारी दिनुभयो ।
रुकुम पुर्वबाट पनि रुकुम पश्चिम, सल्यान, दाङ, नेपालगन्ज जाने सवारी साधनहरु रोकिएका छन् । उहाँका अनुसार किटनीको माथिल्लो भागबाट ठूलो पहिरो आएको छ । रुकुम पश्चिमका प्रमुख जिल्ला अधिकारी हरि प्रसाद पन्तले बाटो खुलाउने कोसिस भईरहेको बताउनुभयो ।
बिहिवार राती भएकोले पहिरो पन्छाउन कठिनाई भएको र आज बिहानै पहिरो हटाउनको लागि स्काभेटर त्यसतर्फ गएको उहाँले जानकारी दिनुभयो ।
