मध्यपहाडी राजमार्गको रुकुमखण्डमा आएको पहिरोले अवरुद्ध भएको यातायात सुचारु भएको छ । राजमार्गमा आएको पहिराे हटाएपछि यातायात सेवा सुचारु भएको हो । 

बिहिवार बेलुका रुकुम पश्चिमको मुसिकोट नगरपालिका ८ किटेनीमा भएको पहिरोको कारण बाटो अवरुद्ध भएको थियो। सडक अवरुद्ध हुँदा रुकुम पश्चिम हुँदै रुकुम पुर्व, पोखरा, काठमाडौँ जाने र रुकुम पुर्वबाट पनि रुकुम पश्चिम, सल्यान, दाङ, नेपालगन्ज जाने सवारी साधनहरु रोकिएका थिए ।

रुकुम पूर्वका प्रमुख जिल्ला अधिकारी माधव प्रसाद शर्माका अनुसार पहिरो हटाएपछि अहिले उक्त खण्डमा यातायात सुचारु भएको छ । यससँगै घण्टौ रोकिएका यात्रुबहाक र मालबाहक गाडिहरु गन्तव्यतर्फ प्रस्थान गरेका छन् । 

रुकुम पश्चिमको मुसिकोट नगरपालिका नगर प्रमुखको सचिवालयका सुर्य प्रकाश शर्माका अनुसार नगरपालिकाको स्टाभेटर पठाईएर सडकको पहिरो हटाईएको हो । उहाँका अनुसार पहिलो हटाउन बिहानैबाट स्काभेटर पठाईएको थियो ।