सोसल मिडिया
सशस्त्र प्रहरी बल ४७ नम्वर गुल्म रुकुम पश्चिमले जल उत्पन्न प्रकोप सम्वन्धी जनचेतनामुलक कार्यक्रम सम्पन्न गरेको छ ।
जिल्लाको चौरजहारी नगरपालिका वडा नम्वर ५ खहरेमा रहेको माध्यामिक विद्यालयका कक्षा ९ र १० मा अध्ययनरत विद्यार्थीहरुका विचमा उक्त जनचेतनामुलक कार्यक्रम सम्पन्न गरेको हो ।
कार्यक्रममा सहायक गुल्मपती एवम प्रहरी निरीक्षक झक्कु प्रसाद शर्माले विपद् उद्धारमा सशस्त्र प्रहरी वल नेपालको भुमिका बारेमा विद्यार्थीहरुलाई जानकारी गराउनु भएको थियो । उहाँले विपदको पुर्व तयारी, खोज तथा उद्धार, पुनस्र्र्थापना, पुननिर्माण, मनोवैज्ञानिक परामर्श, पृष्ठपोषण लगायथको विषयमा जानकारी दिनुभएको हो ।
त्यस्तै सावधानिका उपाय अन्तरगत जोखिमपुर्ण इलाकाको पहिचान, नियमित समाचार सुन्ने पिउने पानी र खाद्यान्नको व्यवस्थापन गर्ने, जोखिमपुर्ण वस्तीहरुलाई स्थानान्तरण गर्ने, अत्यावश्यक औषधी र प्राथामिक उपचार सम्वन्धीको वारेमा समेत जानकारी गराउनु भएको थियो । आपतकालिन अवस्थामा सशस्त्र प्रहरी बलको टोल फ्री नम्वर १११४ र नेपाल प्रहरीको टोलफ्री नम्वर १०० मा कल गरेर मानविय तथा प्राकृतिक प्रकोपका घटनाको वारेमा जानकारी दिन सकिने बारेमा सहजिकरण गर्नुभयो ।
सोही कार्यक्रममा प्राकृतिक प्रकोप, वाढी पहिरो, चटयागं, भुकम्प, हावाहुरीबाट वच्ने उपायको वारेमा वृतचित्र प्रदर्शन गरीएको थियो । सशस्त्र प्रहरी वल ४७ नम्वर गुल्मका प्रहरी नायव निरीक्षक निरीक्षक मधु गौतमले संचालन गर्नुभएको कार्यक्रममा विद्यालयका प्रधानाध्यापक मोतिलाल परियार, विद्यालयका शिक्षक, विद्यार्थीहरु सहभागिता रहेको थियो ।
