सोसल मिडिया
रुकुम पश्चिमको चौरजहारी नगरपालिका -१ मा रहेको आधारभूत विद्यालय नाखिरामा अक्षयकोष स्थापना गरिएको छ ।
विद्यालयको प्रधानाध्यापक पदमा कार्यरत रहँदा स्वर्गवासी हुनुभएका रुद्रलाल जैसीको स्मृतिमा एक लाख एक हजार १११ रुपियाँको रुद्रलाल जैसी स्मृति अक्षयकोष स्थापना गरिएको हो ।
स्व. जैसीको पहिलो स्मृति दिवसको अवसरमा आज विद्यालयमा भएको एक कार्यक्रमका बिच विद्यालयमा प्रधानाध्यापक शिवराम गिरीलाई एक लाख एक हजार ११ रुपियाँको चेक हस्तान्तरण गरिएको हो ।
उहाँकी जेठी छोरी सुस्मिता आचार्यका अनुसार शैक्षिक क्षेत्रमै सक्रिय रहँदै गर्दा स्वर्गवासी हुनुभएकोले विद्यालयमै अक्षयकोष बनाईएको हो । बुवाले करिब २० वर्ष सेवा गरेको विद्यालयमा अध्ययनरत गरिब तथा जेहेन्दार बालबालिकालाई बार्षिक छात्रबृत्ति प्रदान गर्ने गरेर अक्षय कोषको लागि रकम प्रदान गरिएको सुस्मिताले जानकारी दिनुभयो ।
कोषबाट प्राप्त हुने लाभांसले बार्षिक रुपमा एक जना गरिब तथा जेहेन्दार र एक जना खेल क्षेत्रमा अब्बल बिद्यार्थीलाई छात्रबृत्ति प्रदान गरिने बताईएको छ ।
स्व. आचार्यका भजित यदु कुमार आचार्यले तेह्रो पूण्यतिथिको अवसरमा आयोजित एक कार्यक्रममा परिवारका तर्फबाट घोषणा गरिएको अक्षय कोष स्थापनाको काम पहिलो वार्षिक पूष्य तिथिको अवसरमा पुरा गरिएको बताउनुभयो । काकाले शिक्षा र खेल क्षेत्रमा पुर्याउनुभएको योगदानको कदर र स्मरण हुनेगरी दुवै क्षेत्रमा अक्षयकोषले सहयोग गर्ने विश्वास उहाँले व्यक्त गर्नुभयो ।
पहिलो पूण्यतिथीकै अवसरमा विद्यालयमा आयोजित कार्यक्रम विद्यालयमा अध्ययनरत ३ जना विद्यार्थीलाई नगर रमक र शैक्षिक सामाग्री प्रदान गरिएको छ । गरिव तथा जेहेन्दार विद्यार्थीहरुको पठनपाठनमा सहयोग पुगोस भन्ने ध्येयका साथ सहयोग हस्तान्तरण गरिएको छ भने विद्यालयमा खेलकुदका लागि बल, नेट र डोरी समेत उपलब्ध गराईएको छ ।
कार्यक्रममा चौरजहारी नगरपालिका वडा नम्वर १ का वडाअध्यक्ष ईन्द्रे गिरी, नगर शिक्षा समितिका सदस्य सुदास स्वर्णकार, वडा नम्वर ७ का पुर्व वडाअध्यक्ष ईन्द्रलाल शर्मा, शिक्षक, विद्यार्थी, स्वर्गीय जैसीका परिवारका सदस्यहरुको उपस्थिति रहेको थियो ।
राष्ट्रिय भलिबल खेलाडी समेत रहनु भएका जैसीले तीन दशक शिक्षण पेशामा बिताउनुभएको थियो । खेलकुदको गहना, ज्ञानको ज्योती, हजारौ युवा प्रेरणाका श्रोत, समाजको अब्बल उदाहरणको रुपमा परिचित रुद्रलाल जैसीको २०८० साल जेठ २८ गते ५७ वर्षकाे उमेरमा क्यान्सर संक्रमणको कारण मृत्यु भएको थियो । उहाँका एक श्रीमती र ६ बहिनी छोरी हुुनुहुन्छ ।
सम्बन्धित समाचार ...
