सोसल मिडिया
रुकुम पश्चिममा अरिङ्गालको टोकाइबाट एक बालक घाइते भएका छन्।
जिल्लाको आठविसकोट नगरपालिका वडा नम्बर -९ बटाला गाउँका ११ वर्षीय बालक खेमराज बटाला अरिङ्गालको टोकाईबाट घाइते भएका हुन् ।
घर नजिकै गोठाला गएको बेला बालकलाई अरिङ्गालले टोकेको उनकी आमा ललिता केसी बटालाले जानकारी दिनुभयो । घाइते बालकलाई अहिले आठविसकोट नगर अस्पतालमा ल्याईएको छ ।
अस्पतालका अहेब तिलक बटालाका अनुसार अरिङ्गालको टोकाईबाट घाईते भएका बालक अचेत अवस्थामा अस्पताल पुर्याईएका थिए । उपचार पश्चात अहिले होसमा आएको उहाँले जानकारी दिनुभयो ।
अहिले घाईते बालकको स्वास्थ्य अवस्था सामान्य बन्दै गइरहेको अस्पतालले जनाएको छ ।
