जिल्ला प्रहरी कार्यालय रुकुम पश्चिमले पछिल्लो तीन महिनामा ३९ जना फरार प्रतिवादीहरुलाई पक्राउ गरेको छ ।

जिल्ला प्रहरी कार्यालयमा आज भएको पत्रकार भेटघाट कार्यक्रममा प्रहरी नायब उपरिक्षक नवराज पोखरेल (डिएसपी) ले चैत १४ गतेदेखि असार १४ गते सम्म २७ जना  र आज मात्र १२ जना गरेर ३९ जना फरार प्रतिवादी पक्राउ गरिएको जानकारी दिनुभयो ।

उहाँका अनुसार अदालतबाट दोषि ठहर भई फरार रहेका प्रतिवादीहरुलाई फैसला कार्यान्वयनको क्रममा पक्राउ गरिएको हो । यो विवरण डिएसपी पोखरेलले जिल्ला प्रहरी कार्यालयको प्रमुखको जिम्मेवारी सम्हालेदेखिको हो । 

कर्तव्य ज्यान मुद्धामा पाँच वर्षदेखी फरार रहेका देखि लिएर बैंकिङ्ग कसुर, जबरजस्ती करणी लगायतका मुद्धामा फरार रहेका प्रतिवादीहरु पक्राउ गरेर अदालतमा बुझाईएको डिएसपी पोखरेलले जानकारी दिनुभयो ।

जिल्लामा ३१९ जना फरार प्रतिवादी रहेको विवरण अदालतबाट प्राप्त भएकोले अन्यको खोजी भईरहेको उहाँले जानकारी दिनुभयो । 

जिल्लाका सबै सरोकारवाला निकाय, सर्वसाधारणहरु लगायतको समन्वय र सहकार्यबाट प्रहरीले शान्ती सुरक्षा, अपराध नियन्त्रण र सचेतनाका कामहरु प्रभावकारी रुपमा गरिरहेको डिएसपी पोखरेलले जानकारी दिनुभयो ।