सोसल मिडिया
रुकुम पश्चिमको मुसिकोट नगरपालिका –१२ स्थित जनकल्याण माध्यमिक विद्यालय काँशपोखरीमा अक्षषकोष स्थापना गरिएको छ ।
मुसिकोट नगरपालिका –१२ निवासी नजरा डाँगीको स्मृतिमा उहाँका छोराहरुले एक लाख दश हजार १११ रुपियाँको ‘नजरा डाँगी स्मृति अक्षयकोष’ स्थापना गर्नुभएको हो ।
छोराहरु खम्मबहादुर डाँगी, प्रेमबहादुर डाँगी र बिरबहादुर डाँगीले स्व. आमाको तेस्रो बार्षिक तिथीको अवसरमा अक्षयकोषका लागि विद्यालयमा उक्त रकम हस्तान्तरण गर्नुभएको हो ।
आमाको सपना साकार पार्न र विद्यालयमा अध्ययनरत गरिब तथा जेहेन्दार विद्यार्थीहरुलाई सहयोग गर्न अक्षयकोष बनाईएको छोराहरुले बताउनुभएको छ । नजरा डाँगीको २०७८ जेठ २८ गतेका दिन निधन भएको थियो ।
बिरबहादुर र प्रेमबहादुर यहि विद्यालयका पूर्व विद्यार्थी हुनुहुन्छ भने खम्मबहादुर अभिभावक हुनुहुन्छ । आफुले र सन्तानले अध्ययन गरेको विद्यालयमा आमाको नामबाट अक्षय कोष स्थापना गरिएको छोराहरुले उल्लेख गर्नुभयो ।
बीरबहादुर र खमबहादुर नेपाली काँग्रेसका क्षेत्रिय प्रतिनिधि र प्रेम बहादुर क्रियाशिल सदस्य समेत हुनुहुन्छ । अक्षय कोषबाट प्राप्त हुने लाभांस रकमले बार्षिक रुपमा विद्यालयमा अध्ययनरत केहि गरिब तथा जेहेन्दार विद्यार्थीहरुलाई छात्रबृत्ति प्रदान गरिने बताईएको छ ।
