रुकुम पश्चिमको त्रिवेणी गाउँपालिका १० का किसानहरुलाई घरमै पुगेर टिमुरका विरुवा वितरण गरिएको छ ।

स्थानीय ज्ञानज्योती युवा क्लबले यस क्षेत्रका किसानलाई पाँच हजार पाँच सय वटा टिमुरका विरुवा वितरण गरिएको क्लबका अध्यक्ष मनोज खड्काले जानकारी दिनुभयो ।

उहाँका अनुसार डिभिजन वन कार्यालय रुकुम पश्चिमको आर्थिक बर्ष ०८०/८१ को बार्षिक कार्यक्रम अन्तरगत टिमुर खेती विस्तार तथा भन्सार कार्यक्रमबाट विरुवा वितरण गरिएको हो ।

डिभिजन वन कार्यालयका प्राविधिक प्रेम प्रकाश खड्का, क्लवका अध्यक्ष मनोज खड्का लगायतको टिमले किसानको घरमै पुगेर टिमुरका विरुवा वितरण गरिएको हो । क्लबले सामाजिक क्षेत्रमा विभिन्न कामहरु गर्दै आईरहेको ।