रुकुम पश्चिमको मुसिकोट नगरपालिका -११ का दुई घरपरिवार बिस्थापित भएका छन् ।

वर्षाको कारण पहिरोले बस्ती नै जोखिममा परेपछि मुसिकोट नगरपालिका –११ को रिठाबोट बस्तीका दुई परिवार घर छोडेर स्थानीयको घरमा आश्रय लिएका छन् । 

वडा सचिव धनकुमार शाहीका अनुसार स्थानीय बिरबहादुर खत्री र कर्णबहादुर खत्रीको परिवार बिस्थापित भएर छिमेकीको घरमा बसिरहेका छन् । अविरल बर्षाको कारण गाउँका अन्य घरहरु समेत पहिरोको जोखिममा रहेको उहाँले बताउनुभयो ।  

यी दुई घरसँगै स्थानीय दलबहादुर खज्ञी, तेजबहादुर खत्री र रामबहादुर खत्रीको घर पनि पहिरोको जोखिममा रहेको सचिव शाहीले जानकारी दिनुभयो ।