सोसल मिडिया
रुकुम पूर्वको एक विद्यालयका बालबालिकाहरुलाई विद्यालय पोशाक प्रदान गरिएको छ ।
युवा व्यवसायी मित्र बोहराले भुमे गाउँपालिका वडा नम्वर ८ मा रहेको आधारभुत विद्यालय भोल्टिका बालबालिकाहरुलाई विद्यालय पोशाक प्रदान गर्नुभएको छ ।
विद्यालयको कक्षा १ देखि ८ सम्म अध्ययनरत बिद्यार्थी मध्यबाट विद्यालयले छनौट गरेका ३० जना गरिब तथा जेहेन्दार बिद्यार्थीहरुलाई पोशाक वितरण गरिएको हो ।
रुकुम पश्चिमको मुसिकोट नगरपालिका -१ खलंगामा सञ्चालित देवकोटा हार्डवयरका प्रोप्रोईटर बोहोराले विपन्न बालबालिकाहरुको शिक्षा क्षेत्रमा सहयोग पुग्ने मनसायले पोशाक प्रदान गरिएको बताउनुभयो । उहाँका अनुसार ३० जना बालबालिकाहरुलाई ४० हजार मूल्य बराबरको विद्यालय पोशाक प्रदान गरिएको हो ।
युुवा व्यवसायी बोहराको यस सहयोगले बालबालिकाहरुमा उत्साह र हौसला बढेको विद्यालय व्यवस्थापन समितीका अध्यक्ष अनिल रोका मगरले बताउनुभयो । आज एक कार्यक्रमका बिच विद्यार्थीहरुलाई उक्त पोशाक हस्तान्तरण गरिएको हो ।
