रुकुम पश्चिममा अवैध रुपमा जंगली बदेल शिकार गरिएको पाईएको छ । 

जिल्लाको मुसिकोट नगरपालिका वडा नम्वर ६ स्थित पानखोलामा जंगली बदेलको अखेटोपहार (अंग) बरामद भएसँगै बदेलको सिकार भएको पाईएको हो । 

डिभिजन वन कार्यालय रुकुम पश्चिमका कार्यालय प्रमुख शेरबहादुर परियारका अनुसार मंगलबार पानाखोला सामुदायिक वन क्षेत्रमा अवैध रुपमा शिकार भएको जंगली जनावरको आलो मासु बरामद गरिएको छ । 

जंगली जनावरको शिकार भईरहेको भन्ने सूचनाको आधारमा डिभिजन वन कार्यालयबाट खटिएको टोलीले घटनास्थलबाट जंगली बदेलको मासु बरामद गरेको कार्यालय प्रमुख परियारले जानकारी दिनुभयो । 

घटनामा संलग्न व्यक्तिको पहिचान भएको र अनुसन्धान कार्य सुरु गरिएको उहाँले जानकारी दिनुभयो । अवैध रुपमा जंगली बदेल शिकार गर्ने व्यक्ति पक्राउ गरेर वन ऐन, २०७६ अनुसार कारबाहि अगाडि बढाईने बताईएको छ ।