सोसल मिडिया
रुकुम पश्चिमको आठविसकोट नगरपालिकाका ४२ घर परिवार बिस्थापित भएका छन् ।
बाढीको कारण यहाँका ४२ परिवार बिस्थापित भएका हुन् । स्थानीय गिजागार खोलाको कारण वडा नम्बर १२ को झिन्चौरका २२ घरपरिवार र वडा नम्वर ११ को सिमबजारका २० घरपरिवार बिस्थापित भएका हुन् । झिन्चौर र सिमबजार करिब ६० घर बाढी पहिरोको उच्च जोखिममा समेत रहेका छन् ।
झिन्चौरका बिस्थापित घरपरिवारलाई स्थानीय कर्णाली वेभरेज ईन्डष्ट्रिज प्रा.लि.को परिसरमा सारिएको जिल्ला प्रहरी कार्यालयका प्रहरी नायब उपरिक्षक नवराज पोखरेलले जानकारी दिनुभयो । सिमबजारका बिस्थापितहरु राडि बजार र गोईरीमा बसेका छन् । उनीहरुको आफन्तको घरमा सरको बताईएको छ ।
गएराती स्थानीय गिजागार खोलामा आएको बाढीले यहाँका तीन जना बालिकाको मृत्यु भएको छ भने एक जना बेपत्ता हुनुभएको छ । बाढीकै कारण नौ जना घाईते भएका छन् ।
