रुकुम पश्चिम / अनेरास्ववियू (क्रान्तिकारी) बाँफिकोटले बिद्यालय समयमा कुनै पनि प्रकारको लागू पदार्थ सेवन गर्ने शिक्षकलाई कारबाहि गर्ने बताएको छ ।

शनिबार बाँफिकोटमा सम्पन्न गाउँपालिका कमिटीको बैठकले लागू पदार्थ सेवन गर्ने शिक्षकलाई संठगनले कारबाहि गर्नुका साथै बिना तयारी कक्षा लिने शिक्षकको कक्षा बहिष्कार गर्ने निर्णय गरेको अध्यक्ष टेकराज रसाइलीले बताउनुभयो ।

बैठकले सामुदायिक विद्यालयमा ट्युसन जस्ता मुनाफा आर्जन गर्ने शैक्षिक कृयाकलापमा रोग लगाउने र बिद्यालयको जनशक्ति र भौतिक संरचनाको आधारमा मात्र विद्यार्थी भर्ना दर कायम गराउन पहल गर्ने निर्णय समेत गरेको छ ।

बैठकमा सहभागी अखिल (क्रान्तिकारी)का जिल्ला अध्यक्ष नारायण केसीले बाँफिकोट गाउँपालिकाको बिद्यार्थी संठगनले विद्यार्थी कल्याणकारी कोष निर्माण गर्ने लगायत बिद्यार्थीहरुको हक हितका लागि बिभिन्न गतिबिधि गर्ने निर्णय गरेको बताउनुभयो ।

बैठकले गाउँपालिका स्तरका बिभिन्न शैक्षिक समस्याहरु पहिचान गरि प्रतिबेदन तयार गर्नेगरी बिभिन्न बिद्यालयमा जिम्मेवारी प्रदान गरेको छ ।

बैठकमा बाफिकोट गाउँपालिका अध्यक्ष धर्मबहादुर केसी, अखिल (क्रान्तिकारी)का प्रदेश कमिटि सदस्य तुल बहादुर देवकोटा, जिल्ला अध्यक्ष नारायण केसी लगायतको आथित्यता रहेको थियो ।